Mynjur ka sorkar pdeng ïa ka song pisa ba 147 klur tyngka ban shna surok 4-Lane ha New Shillong

Shillong, Nailar 10 : Ka Sorkar Pdeng ka la mynjur ïa ka song pisa ba 146.79 klur tyngka na ka bynta ban shna ïa ka surok 4-lane bad ban pynkylla ïa ka surok 2-Lane sha ka 4-Lane ban don lang ki cycling track, utility duct, footpath bad kiwei kiwei ha New Shillong Township (NST).
ïa kane ka project la bei pisa lyngba ka Prime Minister’s Development Initiative for North East Region (PM-DevINE) jong u snem mang tyngka 2022-2023.
ïa ka PM-DevINE la pynbna kum ka Central Sector Scheme ba thymmai ha ka mang tyngka ka Sorkar Pdeng jong u snem 2022-2023.
Haba buh hakhmat ïa ka thong jong ka skhim, haduh 11 tylli ki project ki la kot haduh T. 1503.44 klur, kynthup ïa 7 tylli ki project ba la pynbna ha ka mang tyngka 2022-2023, la dep ban jied ban pyllait pisa noh ha une u snem mang tyngka 2022-2023.
Ka jaka ka dei ka kam jong ka Sorkar Jylla bad ka bailut baisep ha ka jingthied ïa ki jaka la khmih hi da ka Sorkar Jylla kat kum ki Aiñ bad ki Rules kiba don.