Jowai, Ïaïong 03: Ki paid riewngiet Muslim ha kylleng shi tyllup ka pyrthei mynta ka sngi la pyndep ïa ka lehñiam ba kyrpang kaba la tip kum ka Eid Ul-Fitr, ha Jowai ruh ïa kane ka lehñiem la pynlong ha ka jaka lehñiam kaba don ha Chahtngit, Iawmusiang, Jowai. La ïathuh ba ïa kane ka lehñiam la leh hadien u bnai Ramadan ban pyndep ïa ka Ramzan, ha kaba ki Muslim kila pynlong ka jingshah thngan kaba shibnai manla la ka sngi naduh ka por step shwa ban mih ka sngi haduh ka por nohphai sngi (janmiet).
Ha kane ka sngi na ka liang u Abushid Barbhuiya ula ïalamkhmat ban pule ïa ka kitab Quran. La kyrmen skhem ba ka jingpyndep ïa kane ka lehñiam kan wanrah ïaka bha ka miat, ka roi ka par bad ka jingïaieit bad burom mar kylliang uwi pa uwei u nongshong shnong.
