Mawkyrwat, ‘Naitung, 19: Ka Head Teacher jong ka Pearly Stone Accademy Secondary School, Maw-ryngkang, East Khasi Hills District, ka kong Shidalyne Lyngdoh Lyngkhoi ka la pynpaw ka jingsngewnguh ïa ki khynnah skul ki nonghikai bad ki kmie ki kpa bad kumjuh ïa ka Hynñiewtrep Youths Council (HYC) jong ka Saw-symper Circle ba lyngba ka la kynmaw kyrpang ban pynkup burom ïa ka Pearly Stone Accademy Secondary School, Mawryngkang na ka daw ba kane ka skul ka la ïoh 100% ki khynnah skul ki la pass bha ha kane ka Result Class X ba la pynïaid da ka MBOSE nalor ba ki khynnah ki pass bha ki don ruh ki khynnah skul kiba la ïoh ruh ïa ki distinction subjek bapher bapher.
Ki khynnah skul kiba la pass bha ki long Jaysemon Marweiñ, Larikynti Mar-weiñ, Daïashisha Shanpru, Pyntngenskhem Shanpru, Ribahun Lyngdoh Mar-shilong bad Ieng-skhem-lang Nongsiej.
Ka jingpass bha ki khynnah skul ka dei lyngba da ka jingdon ïa ka mynsiem ban kitkhlieh lang ban trei shitom naduh ki Nonghikai, ki khynnah skul bad kumjuh ruh ki kmie ki kpa da kaba ñiewkor ïa ka por.
Ka thong jong ki nonghikai jong kane ka skul kam shem la hun tang ban ïohi ban pas baroh ki khynnah skul hynrei ka don ka jingthrang kaba khraw ban ïohi ïa ki khynnah na kane ka skul ban kynjoh haduh Top 10 bad Top 20, kyrmen skhem ba ha kine ki snem ban wan kan sa urlong kumba ki nonghikai ki thrang ban ïohi ïa ki khynnah skul, la bynrap ka Kong Shidalyne Lyngdoh Lyngkhoi, Assistant Teacher jong ka Pearly Stone Accademy Secondary School, Mawryngkang, East Khasi Hills District.
