Jowai, Naitung, 19: Ka ophis u Deputy Commissioner Supply, West Jaiñtia Hills District, Jowai kala pynbna paidbah ba la maham tyngeh ïa kino kino ki nongdie dukan (Wholesale/Retail) ba kim dei ban die palat ïa ka dor jong ki marbam mardih ha ki dukan jong ki naduh u Khaw, Shini, Dai, ki Jhur bad kiwei kiwei ki marbam.
La pyntip da u DC Supply lada lap lane shem ïa kino kino kiba shim kabu lane pynkiew dor khlem jingbit, yn pynshitom ïa ki katkum ka kyndon jong ka Essential Commodities Act 1980.
