Tura, Naitung 15 : Ka ACHIK hynne ka sngi ka la pynlong ka jingïa soi paidbah ban dawa ba dei ban pynlong noh ïa ka Tura kum ka nongbah Tlang jong ka jylla.
Ka jingthmu jong katei ka jingïamih paidbah ka long ban ïoh ïa ka jingkyrshan na baroh bad ruh ban pynshai halor ka jingdonkam ban ïoh ïa ka rynsan ban pynsngew ïa bun ki jingeh ba ki paid Garo ki kynduh.
“Na ka liang ka ACHIK ka kyrmen skhem ba ka roi ka pa kaba shisha lah ban ïoh da kaba don ka jingpynïasoh lang ha ka imlang sahlang, ka ïoh ka kot bad ruh ka jinglong ka mei mariang. Da kaba pynlong ïa kane ka jingïasoi paidbah, ka ACHIK ka pan ka jingtreilang na baroh ban pyntylli lang kawei ka sur na ka bynta ban pynurlong ïa ki mat jingdawa kaba ngi donkam mynta,” ong u Thomas M Marak, General Secretary ka Krisma Council jong ka ACHIK ha ka kyrwoh khubor ha kane ka sngi Saitjain.
Shuh shuh u la banjur ruh ba katei ka jingïa soi paidbah kan long ruh kum ka atiar ban pynpaw ïa ka jingkyrshan ki paidbah na ka bynta katei ka mat kaba lamkhmat da ka ACHIK.
Ka ong ruh da kaba ïa soi paidbah, man la uwei pa uwei un noh synniang ban pyntylli ïa kata ka sur ban dawa ïa ki kam pynroi kiba harukom la ka long ha ka pule puthi, ka koit ka khiah, ka jingpynneh ïa ka mariang, ka kolshor bad ruh ka hok longtrai.
