Shillong, Jylliew 28: Ka Kynhun Mynti jong ka sorkar jylla ha ka sngi Ba-ar ka la ïoh ban ïakren halor ka Presentation ba la wanrah da ka tnat Urban Affair kum no ban wanrah ïa ka jingpynkylluid ïa ka nongbah Shillong.
Haba kren sha ki lad pathai khubor, ka Nongaiktien ka sorkar jylla ka Kong Ampareen Lyngdoh ka la ïathuh ba na ka liang ka tnat Urban Affair ha kane ka Presentation ka la tyrwa ban tei ïa ki skywalk, ki flyover bad ki pipeline bad kiwei ki jyntei na bynta ban wanrah ïa ka jingkylluid ka sor.
“Hynrei ngim pat lah ban shimrai eiei bad dang donkam ban ïakren sani bad ïathir bha ïa kane ka jingtyrwa”, ka la ong,
Ka la ïathuh ba ka Urban Affair ka la tyrwa ban tei ïa ki jaka ban ïoh shong myllen kum ki park bad ki jaka lehkai.
