Jowai, Jylliew 12: Ka lympung ïalehkai phutbol ba la tip kum ka 3rd U Adelbert Laloo Memorial Trophy jong ka kyrdan 3rd Division Football Tournament 2023, bala pynïaid da ka West Jaiñtia District Sports Association (WJDSA) Jowai kaba la long mynta ka sngi ha madan Kiang Nangbah Stadium, Jowai.
Ha ka jingïakhun kaba nyngkong ka long hapdeng ka Khliehshnong Ialong pyrshah ïaka Mookaswan Dongneñ, ha kaba ka Khliehshnong Ialong ka la jop da 1-0 kol ïa ka Mookaswan Dongneiñ bad ïa ktei ka kol la thep da u Sainhikuru Pale ha ka minit kaba 8 jong ka jingïalehkai.
Ha ka jingïalehkai kaba ar pat ka la poi sha ka jingïakhaid hapdeng ka Myrjai pyshah ïa ka Newhill da 0-0 kol.
Katba ka jingïaleh kai kaba lai pat mynta ka sngi ka la long hapdeng ka Chyrmang Wah pyrshah ïa ka Salaroh, ha kaba ha kane ka jingïakhun ka Chyrmang Wah ka la jop haduh 3-0 kol ïa ka Salaroh. Ïa kine ki lai kol ka Chyrmang wah la thep da u Niwan Syad ha ka minit ba 8, ka kol baa r da u Wanskhem Khlem ha ka minit kaba 38 bad ia ka kol kaba lai da u Lamki Dkhar ha ka minit kaba 63 jong ka jingialehkai.
