Jowai, Ïaïong 28: Ka lympung ïalehkai phutbol ba la tip kum ka ‘2nd U Adelbert Laloo Memorial Trophy’ jong ka kyrdan 3rd Division Football Tournament 2022 ba la pynïaid da ka West Jaiñtia District Sports Association (WJDSA) kaba la long mynta ka sngi 28 tarik u Ïaïong ha madan Kiang Nangbha Stadium Jowai.
Ha ka jingïakhun ba nyngkong ka kynhun ïalehkai jong ka Madan Thadmuthlong kala jop da 5-2 kol ïa ka Pamanik bad ïa katei ki kol na ka Madan Thadmuthlong la thep da u Manhok Suchiang haka minit ba 13, u Pyniaidmiki Tang ha ka minit ba 31 & 51 bad u Precious Tang ha ka minit ba 67, 80+2. Katba ïa ki ar kol na ka Pamanik la thep da u Jamris Talang ha ka minit ba 49 bad u Iowsar Suchiang ha ka minit ba 76
Ka jingïakhun ba ar kala long hapdeng ka Madan- kynsaw Mookyndeng kaba la jop da 6-0 kol ïa ka Catholic Youth Mihmyntdu. Katba ha ka jingïakhun kaba lai ka kynhun ïalehkai jong ka Risingsun Mukhla ka la jop ïa ka Mookaswan Dongneiñ da ka 2 – 0 kol.
Ka jingïakhun lashai ka sngi kata ha ka 29 tarik kan long hapdeng ka Lum-khangdong Kyndongtuber pyrshah ïa ka Saiñdur Mihmyntdu ha ka por 11 baje mynstep, ka Iong-I dahi FC pyrshah ïa ka Myrjai ha ka por 1 baje nohphai sngi bad ka Khliehmyntdu Neinchnong pyrshah ïa ka Maitshaphrang Mootyrshiah ha ka por 3 baje janmiet.
