Mawkyrwat Jymmang 28 : Ka ophis jong u District Sports Officer (DSO), South West Khasi Hills District, Mawkyrwat kan sa sdang ïa ka South West Khasi Hills District Level Inter-School Subroto Mukherjee Cup Football Tournament 2023 na ka bynta ki Sub-Junior (shynrang hapoh 14 snem) bad ki Junior (shynrang bad Kynthei hapoh 17 snem) naduh ka 13 tarik u bnai Jylliew, 2023.
Namarkata, na ka liang ka ophis ka bthah ïa ki skul kiba don hapoh jong ka South West Khasi Hills District kiba kwah ban ïa shimbynta ha kane ka lympung ïalehkai kin sngewbha ban wan shim ïa ki phom (Registration form) na ka ophis treikam jong u DSO, South West Khasi Hills District ha ki sngi long trei.
La bthah ruh ba ka sngi kha na ka bynta kito ki nongïashimbynta kan long: Under 14 years – naduh 1 tarik Jymmang, 2010 shaneng bad Under-17 years – naduh 1 tarik Jymmang, 2007 shaneng.
Ka tarik ba khatduh ban pynpoi ïa ki phom kan long hapoh ka 6 tarik Jylliew, 2023.
