Shillong, Jymmang 27: Kum ka dak ka jingburom bad ka jingsngewnguh ïa u synñiang u bynhei ba u Dr. Andreas Dkhar u la noh sha u sup u thiar jong ka koit ka khiah, ka ophis jong u Joint Director of Health Services (SS) Civil Hospital, Shillong u la pyntip ba ka Out Patient Deparment jong ka Shillong Civil Hospital kan plie tang haduh ka por 12:00 baje mynsngi ha 29 tarik mynta u bnai.
Katba ka Emergency Services kan plie beit kumba ju long manla ka sngi.
Ha u kyrwoh ba la phah sha ki lad pathai khubor, u Joint Director of Health Services (SS) Civil Hospital, Shillong u la pynpaw ïa ka jingsngewsih halor ka jingkhladnoh jong u Dr. Andreas Dkhar uba long u Additional Director of Health Services (SS) Civil Hospital, Shillong uba la khladnoh na kane ka sla pyrthei ha ka step sngi Saitjaiñ ha Super Care Hospital, Shillong.
Ka jingleit ontep ïa ka met ba dang sah kan long ha ka 29 tarik mynta u bnai.
