Nongstoiñ, Ïaiong 28: Deputy Commissioner ka West Khasi Hills, u la pyntip ba kan don ka jingkren paidbah jong u Prime Minister u Narendra Modi, kaba la sdang naduh ka 24 tarik mynta u bnai ka ban kut ha 1 tarik u bnai ban wan, halor ki skhim bad jait ram bapher bapher bala pyntreikam da ka Sorkar India lyngba ka Kissan Credit Card (KCC). La iathuh ba ïa ki skhim Sorkar Pdeng la pynrung ha ki tnad treikam kiba peit ia ka rep ka riang (Agri & Horti), Ri jingri (ka Vety), NABARD bad ki Lead District Managers jong ki Bank.
Kumta, la kyntu ia ki paid nongrep ban shim kabu ban aplai ia ka KCC, khnang ban ioh jingmyntoi ia ki skhim Sorkar bad ki jait ram ba la pyllait na ka bynta ka jingmyntoi u paid nongrep ha ka Ri hi baroh kawei.
