Nongstoiñ, Ïaiong 26: Ka Mawduh Lower Primary bad ka Mawduh Upper Primary School, ha ka sngi thohdieng ka la ïoh ban pynhap pyrda noh shi ïa ka jingïalehkai Sports jong ka skul ïa kaba la tip ruh kum ka ‘Closing Ceremony of the Annual School Sports 2022’.
Katei ka jingïalehkai jong ki khynnah skul ka dei kaba la ïashimbynta da ki khynnah skul ba ki House bapher bapher na kitei ki baroh 2 tylli ki skul, ïa kaba la sdang ruh ïa ka naduh ka 19 tarik u Ïaïong haduh ka 22 tarik Ïaïong 2022. Ha katei ka jingïalang u bah Gabriel Wahlang MDC ka Nongstoiñ konstitwensi u la long kum u kongsan.
Ki khynnah skul kiba la jop ïa ka 100 meters Race bad kiba la long ba nyngkong, ba ar bad ba lai ki kynthup ïa ka Risukmynsiem Kharbani, ka Shidalin Ïawren, ka Rimistilda Ïawren. Na la liang ki shynrang la jop da u Phingkarson Marshra, u Kuparson Sohshang bad u Wansuk Sohphoh. Katba na ki khynnah kiba kham rit la ïoh da ka Biling Sohshang, ka Phibadondor Marshra, ka Saphibansoi Syiemlieh bad na ki shynrang pat u Freedy Syiemlieh, u Lamborlang Ïawren bad u Silbirth Marshra.
Ha katei ka lympung jong ki khynnah skul la ïadonlang ruh u babu D. Kharbani, u babu P. Kharbani, u babu G.R.Marweiñ bad la pynïaid ïa katei ka jingïalang da u babu S.Rynshiang.
Na ka liang u kongsan u la pynpaw ïa ki kyntien ai khublei bad ïaroh ïa ki bor pynïaid skul, kiba la lah ban pynlong ïa kane ka lympung ïalehkai Sports na ka bynta ki khynnah skul. U la ai mynsiem kyrpang ruh ïa ki khynnah skul, da kaba ong ba haba ki shim bynta ha ki jingïalehkai ki dei ban ïaleh naduh mynsiem. U la ong ruh ba ka kam ïalehkai ka long kaba donkam haduh katta katta ha ryngkat ki jingpule ba ki ïoh na ki skul jong ki. Na ka liang jong u, u la kular ruh ban ïai don ryngkat bad ki paidbah jong ka dong ka thaiñ ha baroh ki liang.
