Nongpoh, Ïaiong 25: Ka RBYF Killing Unit kala long ka lahduh haka lympung ïalehkai 1st Mega Futsal bala pynlong da ka RBYF haka shnong 9mer Baridua.
La pynhap pyrda ia kane ka lympung da u Bah Sosthenes Sohtun MLA ka Jirang haka jingdonlang u Bah Bipul Thangkhiew President ka RBYF bad kiwei kiwei.
Haba phai sha ka jing ïakhun phainal ka RBYF Killing unit la aiakhun pyrshah ïaka Seng Samla 15 Mile Byrnihat bad ka jing ialeh kai ka la long ka ba shongshit bha bad ha ka jingia khun kat kum ka por bala buh, kine ki artylli ki kynhun kila poi sha ka jingiakhaid ba mar shi kol.
Namar ka jingiakhaid, ki repheri kila rai ban pynshut noh da ka tie-breaker bad dei haka jingïashut tie-breaker ba naka liang ka RBYF killing unit kala lah ban pynliem noh ïa ka 15 mile da 6-5 kol bad ka rah syndon iaka nam lahduh jong katei ka lympung da kaba khur ruh ïaka song pisa ka ba 30000 hajar ryngkat ka trophy, bad ka ba shah rem pat ka la ioh ïaka song pisa 15000 hajar ryngkat ka trophy.
