Shillong, Ïaiong 12: Ka Muay Thai Association Meghalaya kala pyntip ba ki don 4 ngut ki rang ïa kura ba kynsai jong ka kin leit ban ïashimbynta ha ka Senior Men & women IMFA World Champion Muaythai ka ban sa long ha Bangkok, Thailand naduh ka 4 tarik – 13 tarik u bnai Jymang 2023.
Kine ki 4 ngut kiba shah jied ki kynthup ïa u samla Lapynshai Syiemlieh ha ka U-23, bad u Pynnehbor Mylliemngap haka 48 kg weight, u samla Edilbirt Ryndongsngi ha ka Elite bad 85kg, u Skhemborlang Marweiñ ha ka Elite bad 51kg bad 2 ngut kidei Referee & Judge ki kynthup u samla Anglus Sun bad u samla Pynsuklang Sumer.
Haba kren sha ki lad pathai khubor u samla Anglus Sun uba long ruh u President MTAM ula ai ka jingïaroh ïa ka sorkar Meghalaya kaba la ïarap bei tyngka lem ïa ki rang ialehkai jong ka kiba la wan ialehkai dang shen ha Dubai.
