Shillong, Lber 10 : Ka Nongthymmai Sports & Cultural Club (NS&CC) ka la pynbna ba kan sa pynlong ka jingpyrshang bad jied nongïalehkai na ka bynta ka lympung ïalehkai Shillong Premier ha ka 13 bad 14 tarik Lber. Ka por kan sdang naduh 8:30 mynstep ha Madan Nongthymmai, Shillong.
Kane ka Trial cum Selection kan long kum shi bynta ban jied ïa ki player kiba tbit ban ïoh mihkhmat ïa ka club na ka bynta ka Shillong Premier Football League 2023 ha Polo Ground ka ban sdang ha ka taïew kaba ar jong u Nailur 2023. Kane ka long katkum u kyrwoh khubor na u Bah J.C Cajee uba dei uGeneral Secretary.
