Khlad lai ngut ha ka jingïatyngkhuh kali ha Wapungskur, ar ngut ki shikurim
![](https://mawphor.com/wp-content/uploads/2023/02/accident-khliehriat.jpg.jpg)
Khliehriat, Rymphang, 25: Lai ngut ki briew bakynthup ïa ki ar ngut ki shi kurim, ki la duh-ei ïa la ka jong ka jingim ha ka jingïatyngkhuh kali ha ka surokbah ha shnong Wapungskur, East Jaiñtia Hills District ha ka ka janmiet sngi Saitjaiñ.
Ïa kine kiba la khladnoh la tip kyrteng kum u Bah Marjanki Phawa bad ka kurim jong u ka Kong Sabianka Lyngdoh kiba la khlad hashen bad kawei pat kaba ju khot ka Kong Ba Lyngdoh kaba la khladnoh ha shiteng lynti katba dang pynkit sha Civil Hospital, Jowai na ka daw ka jingjur shaba palat ka jingmynsaw.
Ka thymmei khubor, ka ïathuh ba kane ka la jia ha ka por kumba 6.40 baje janmiet katba kine ki lai ngut ki dang wanphai na ki thaiñ Ladrymbai bad ki thmu ban leit phai sha shnong sha Tuberkmaishnong hynrei ynda poi ha ka shnong Wapungskur ki la ïakynduh ïa kane ka jingïatyngkhuh kali bad kawei ka trok khatar taïar bad ka kali Maruti car kaba ki shong.