Thep kyrteng u Bah Rocky Hek bad u nongbylla na Mylliem Constituency
![](https://mawphor.com/wp-content/uploads/2023/02/rocky-hek.jpg.jpg)
Shillong, Rymphang 01: U kyrtong jong ka National People’s Party (NPP) na Pynthorumkhrah Constituency, u Bah Rocky Hek ha ka sngi Balang u la thep kyrteng hakhmat ka Returning Officer na ka bynta ban aireng ha ka elekshon sha ka Iingdorbar Thawaiñ pyrshah ïa u MLA u Bah Alexander L. Hek bad ïa u MDC u Bah Pynshngaiñ N. Syiem.
Ïa u Bah Rocky Hek la synran lang da ki bahaïing hasem bad ki nongkyrshan.
Haba kren sha ki lad pathai khubor hadien ka jingthep kyrteng, u Bah Rocky Hek uba dei u pyrsa kur jong u Bah AL Hek, u la ong, ba ki paidbah hi kin sa bishar namar kum u trai shnong ha Pynthorumkhrah, ki kam ba khlem lah ban leh da u MLA mynta la 25 snem bad u MDC ha ki 5 snem, hynrei ma u, tang hapoh saw bnai u la lah ban leh da kaba ai ka jingïarap sha ki dorbar shnong, lyngba ka jingïarap u Myntri Rangbah bad u Symbud Myntri Rangbah.
U la ong ba ka jingmih jong u sha ka lympung ban ïakhun ïa ka elekshon ryngkat ka long ryngkat bad nongrim ba ka Pynthorumkhrah Constituency ka la donkam ïa ka jingkylla.
U la ong ba kaba u buh hakhmat eh lada u jop ïa ka elekshon ka long ban rat diengkhong ïa u drok, ïa kaba ki nongmihkhmat baroh shi katta kim lah ban leh.
U la ong ruh ba u drok u dei ka mat ba u hap ban tied miej lada u poi sha ka jingjop.