Shillong, ïaïong, 13: Kum ka jingpynshlur ïa ki samla pule Khasi shynrang bad kynthei, ka Khasi Students Union ha ka sngi Balang ka la pynbna ban ai Scholarship ne baibam ïa ki samla pule kiba pyntbtit ïalade na ka bynta ka UPSC Civil Service Examination ha ki Coaching Centre kiba la paw ha nongbah New Delhi.
U President ka Seng u Samla Lambokstarwell Marngar u la ong ba ka jingjied ïa ki samla pule kan long lyngba ka eksamin bad ha kajuh ka por u la pyntip ba ki samla kiba kwah ban ïoh ïa ka jingtip kaba kham bniah na ka bynta ban ïoh ïa ki Form ki lah ban peit ha ka Website jong ka Seng ïa kaba la ai kyrteng, “www.khasistudentsunion.com.’ lane da kaba telephone ha u nombar 8259058642/7005326776/8794448132.
Ka tarik bakhatduh ban pynrung kyrteng ïalade bad ban pynpoi ïa ki Form ka long ha ka 23 tarik u bnai Ïaiong, 2022.
