Shillong, Ïaïong 12: U MLA ka Mawlai Konstitwensi u Bah Process T Sawkmie ha ka sngi Hatmajai u la sam jersey, bol bad song pisa sha ki Sports Club bapher bapher kiba don ha Mawlai na ka bynta ka jingleit shim bynta jong ha ki lympung ïalehkai phutbol bapher.
Ha ki sngi ba la leit u la sam sha ki 8 tylli ki sports club bad mynne sha ki ar tylli, ka Kyntonmassar Lajong SC bad sha ka Nongkohlew SC, kaba u la aiti ha ophis treikam jong u ha Mawlai Nongpdeng hynne ka sngi.
Ka Kynton Massar ka la ïoh ïa u synñiang ban leit shim bynta ha ka lympung ïalehkai phutbol kaban long ha Umsaw Mawjynrong bad ka Nongkohlew SC kan leit ïakhun ïa ka Women Football League Tournament jong ka Shillong Sports Association kaban long ha Polo, naduh ka 18 tarik mynta u bnai.
Ka kynthun ki thei Nongkohlew kan ïakhun nyngkong pyrshah ïa ka Nongkrem ha ka sngi sdang, ka 18 tarik ha ka por 3:30 baje janmiet. Katba ïa ka kynhun Mawlai Kyntonmassar Lajong SC la ïalam da u bah M. Sun.
U Bah PT Sawkmie haba ai jingkren u la kitbok ïa baroh ki Sports Club, kumjuh ïa ka Kyntonmassar Lajong bad ïa ka Nongkohlew ba kin ïoh khur ia ka jingjop. U la ïathuh ruh ba ha kine ki sngi ba la leit u la dep sam jersey bad song pisa sha 8 tylli ki klob bad mynta sa ïa kine ki ar tylli ki klob.
