Shillong, Ïaïong 12: Ka Arunachal Pradesh ha ka sngi sdang ka kamai 300 ron pyrshah ïa ka Meghalaya jong ka lympung ïalehkai Col CK Nayudu Trophy na ka plate group ha ka jingïakhun ha ka sngi Ba-ar ha Cuttack.
Hadien bala jop ïa ka jingkynting pisa ka Arunachal Pradesh kala kam ban tied nyngkong bad kamai 325 duh noh 6 wicket ha ki 90 bad kan sa tied biang ha ka sngi Balang.
U Agreas Chamcham Sangma u khur 2 wicket ai kamai 51 ron, katba u Bipin Kumar Ray u khur 2 wicket ai kamai 63 ron hadien ki 24 over bad kadei ka sngi kaba eh tam na bynta ki rangkawang bol ka jylla.
Ka Arunachal kala sdang da kaba kamai ron bha ha kaba sdang mih madan shwa ba kan shah pynkhyllem wicket ha kaba u Shubham marwei u khyrwit 100 ron na ki 134 bol
Kiwei pat ki rangkawang bol ka jylla kiba la khur wicket ki kynthup ïa u Sudhir Sahani u ïoh 1 wicket ai kamai 66 ron bad u Adarsh Joshi u ïoh 1 wicket ai kamai 69 ron.
