Shillong, K’lyngkot 06: Ka Voice of the People Party (VPP) ka seng saiñ pyrthei kaba dang thymmai mynta ka kynti kan sa sdang ïa ka jingïalap ïa ki mat bas ki nongrim jong ka party ha kylleng ki bynta ka jylla ban pynsngewthuh ïa u paidbah halor ka hok, ka iktiar bad ka dor jong ka vote ha ka jingjied ïa ki nongsynshar.
Ha ka kyrwoh na u Dr Batskhem u nongai ktien ka party u la khot ïa ki paidbah sha ka jingïalang kaba ka party kan pynlong mynta ka sngi ha Ïew Mawryngkneng ha ka por 1 baje mynsngi ha kaba u kyrtong jong ka party na Maryngkneng Constituency , u Bah H. Kharpran bad u President ka Party, u Bah Ardent M. Basaiawmoit kin ai ki jingpynshai paidbah ha ka tei ka jingialang.
Shuh shuh ka party ha ka 9 tarik Kyllalyngkot 2023 por 1 baje noh phai sngi kan don ka jingialang paidbah ha Ïew Smit na ka bynta kane kajuh hi ka jingthmu ban pynshai sha ki paidbah ïa ki nongrim ba la seng ïa ka Pary bad kumjuh ruh ki mat ïakhun ïa ka elekshon MLA 2023.
Ka Seng ka khot ka wer ïa ki paidbah kiba don mynsiem ban kyrshan ïa ka Party bad ki Kyrtong bad kiba kwah ban tip ki nongrim ka Party ban wan sha kane ka jingïalang.
