Nongpoh, Nohprah 13: Da ka jingthmu ban pynmih pisa na ka ban pyndep ïaka jingshna ïaka ïingmane, ka Balang Presbyterian Syngku kan pynlong ïaka Gospel Concert haka 16 tarik u Nohprah 2022 ha kaba yn pynbud ruh bad ka Jumbo Sale lane ka jingdie ïa kiba bun ki marbam mardih bad kiwei kiwei de ki tiar kiba kynthup ïaki bam tynrai bad kiwei kiwei.
Ka Balang Presbyterian Syngku ka hap hapoh ka Narleiñ Mihngi District jong ka Ri-Bhoi Sepngi Presbytery haka Ri-Bhoi Synod, haba ïakren bad u Tbn C. Laloo haka jingïadonlang jong u Tbn S. Shadap ki la ong ba namar ba ki don ka jingthrang bad jingangnud ban pyndep ïa katei ka ïingmane kaba ka jingpyntrei ka dang iaid shaid shaid, ka Balang da ka jingthmu ban ioh ïaka jingkyrshan pisa na ki para ba ngeit na kylleng, kala rai ban pynlong da katei ka Gospel Concert bad Jumbo Sale namar kumba ka long haduh mynta ka Balang kam pat lah ban pyndep ïa katei ka ïingmane ki paid riewngeit ka Balang ki dang pynlong ïaka jingshakri Blei hakhrum jong katei ka ïingmane bah.
Ban nang pynsngewtynnad shuh shuh da kiwei ki jing pynbyrng ïa u Tbn C Laloo u la pyntip ruh ba ka kynhun ki Jlawdohtir bad ka kynhun Lamjingshai Channel lane ka kynhun u Marangbah kin wan ban pynsngewtynnad ha katei ka sngi.
Yn plie ïa katei ka Gospel Concert Cum Jumble Sale ha Syngku naduh ka por 9 baje mynstep, haka por shiteng sngi kin don ki jingpynbyrngia na ki kynhun bapher bapher bad haka por 5 baje janmiet kan don ka jingrwai pynrhem da ka kynhun Shillong Worship Team.
Kumta naka liang ka Balang Presbyetrian Syngku kala khot bad wer ïaki paidbah ba kin wan ban sakhi ha katei ka sngi khamtam ban don bynta lang ban noh shaka kam u Blei.
