Shillong, Nohprah : Ka Seng Khasi Diengpasoh kan pynlong ïa ka “Seng Kyrsiew Banyngkong” jong ka Tnat Seng Khasi Diengpasoh hapoh ka shnong Diengpasoh ha ka 18 tarik mynta u bnai ka ban sdang ha ka por 10 baje mynstep.
Ka Nguh ka Blei ka Dem Blei hashwa jong ka prokram Seng Kyrsiew kan sdang ha ka por 8 baje mynstep. Kumta ka Seng Khasi Diengpasoh ka ïawer sngewbha ïa baroh ki Kur ki Kha jong ka Seng Khasi ban wan ïashim bynta lang ha katei ka Seng Kyrsiew. Ha katei ka sngi kan don ruh ka jingkren na ki nongïalam jong ka Seng Khasi bad pynbud pat da kiwei pat ki prokram bapher bapher.
Kane ka long katkum u kyrwoh lyngba I Kong Meradalin Kharumnuid, Secretary Seng Khasi Diengpasoh.
