Nongpoh, Naiwieng 20: U Bah Jamberson Marak na Byrnihat Ri-Bhoi District, uwei naki tyngshop ka jylla u ba ïeid ïaka kam ak phlim bad ring dur ïaki jingrwai u ba la pynmih ruh shibun ki jingrwai (Music Video) bapher bapher, mynta ka sngi u la lah ban pynlait paidbah noh haduh 3 tylli ki Music Video haka sngi rakhe ïaka jingdap 55 snem jong u haka jingïalang kaba la long ha Nongpoh.
Kitei ki Music Video bala pynlait paidbah ha katei ka sngi ki kynthup ïaka ‘Kynsan Kynsan’ kaba la rwai haka ktien khasi, ka ‘Rehjaare Rehjaare’ haka ktien Hindia bad ka ‘Ronge Ronge’ kaba la rwai haka ktien Assamese
Ïa kitei ki 3 tylli ki jingrwai la pynlait paidbah da u Bah Cornelius Laloo uwei naki nongthoh khubor ba la rangbah ka dong Ri-Bhoi kum u kongsan haka jingdon lang u Bah Lansius Syiemlieh President ka Ri-Bhoi Artist, ka kong Laki Dora Kharsati kaba dei ka General Secretary ka Meghalaya Film Maker Association, u Bah Larry Suchiang u wei naki tyngshop ak phlim ba paw ka jylla bad kiwei kiwei ki riew rangbah bad ka kynhun Ri-Bhoi Artist.
Naka liang u Bah Jamberson Marak haba kren ha katei ka sngi u la ong ba ka jingpynmih jong u ïa kitei ki jingrwai ka long kum ka jingai mynsiem ban kyntiew ïaki khun samla kiba don ap lyngba ki kam shna bad pynmih jingrwai kaba dei kawei naki lad kamai ha kine ki sngi ba mynta bad ka lad iohkam iohjam namar kumba long mynta wat haka rta kaba la dap 55 snem u dang lah ban pynmih ïaki jingrwai bapher bapher.
Na ka liang riew rangbah hakane ka sngi ki la pynpaw jing sngew sarong ban iohi ïa u Bah Jemberson Marak wat la ha ka kyrta kaba 55 snem, hynrei khlem kynran dien ban pynpaw ïalaka jong ka sap haki kam ak phlim bad jingrwai bad u ba long ruh pynban u nong aikam aijam ïaki samla ki ba don laka sap ha katei ka kam bad kane ka ai mynsiem ïa kiba bun ki samla ba kin dang kiew shaphrang haka sap kaba ki don kumba ki khun samla kim duna shuh haka kam rwai, kam ak phlim.
