Khliehriat Risaw 20: Ka Khasi Students Union Wapung Unit ka pynbna ba ka seng kan pynkup burom ïa ki samla kiba pass bha da ka 3rd Woh Tep Kyndait Acadamic Award, ka jingpynkylla ka seng ïa ka Mait Shaphrang Acadamic Award ka dei na ka daw ba ki kwah ban pynsah nam ïa u woh Tep Kyndait uba dei uwei na ki khla wait ka ri bad kane ka khusnam ka long na ka bynta ki san tylli ki shnong kiba kynthup ka Mookhep, Wapungskur, Wapung shnong, Tuber kmai shnong bad Tuber sohshrieh.
Ki ba lah ban ïoh ïa kane ka khusnam ki dei kiba ïoh 70 percent shaneng ha ka kyrdan SSLC, 65 percent shaneng ha ka kyrdan HSSLC, kiba ioh 60 pc shang ha ka bachelor (Degree Passed) bad 60 pc shaneng ha ka kyrdan master degree.
Ïa ka duplicate mark sheet lah ban pynpoi ha u number 9383052286, 9678091106, 8837348828 bad ka por ban pynpoi ïa ki zerox copy jong ki mark sheet ka dei naduh ka 18 tarik u risaw 2022 haduh ka 18 tarik u Naiwieng 2022. Kane ka long katkum u kyrwoh ba la wan na u Education Secretary KSU Wapung Unit, u samla Hamewanpynhun Ryngkhlem.
