Shillong, Risaw 19: Ka NPP Sohra Constituency lyngba Secretary jong ka u Bah Alex Diengdoh u la kyntait war ïa ka khubor ba kam ba ka NPP kan ym pynïeng kyrtong satia na Sohra ha ka ilekshon MLA ban long ha u 2023.
Ha ka kyrwoh sha ki lad pathai khubor la ong ba ka jingkam ba ka NPP kan ym sei kyrtong ka dei tang ka buit poh kiwei ki party ban pynkulmar jingmut ïa ki paidbah nongkyrshan ka NPP, “na ka liang ka party ka sei ïa u kyrtong uba kynsai na bynta ka ilekshon”.
“Ka NPP Block ka pynshai ba ym shym don uno uno ne kano kano na ki dkhot ka party kiba ai ka khubor kaba kum katei” bad bynrap, “ka dei tang ka buit jongno re jongno kiba la sdang ban kulmar jingmut jingpyrkhat hadien na ka NPP Block Sohra mynta ki la pynkhreh bad sei beit la u jong u Candidate. Katei ka long tang ka jingsyier jingsmiej jong kiwei ki party bad ki nongkitkam jong ki, ki bym ïohthïah ïohdem shuh ha kine ki sngi hadien ba ki la ïohsngew ïa kane ka khubor”, ong u Secretary jong ka NPP Block Sohra, u Bah Alex Diengdoh.
Shuh shuh la ong ba na ka liang ka NPP kan sa pynbna ïa ka kyrteng u kyrtong uban ai reng kan long ha kine ki khyndiat sngi ban wan.
“Ka Block ka ïathuh ba ka party naduh ka state level mynta ka dang ïakren ban uwei u Riewpawkhmat ka thain Sohra uba ju trei na ka bynta ka roi ka par ka thain bad la khmih lynti skhem ba une u Rangbah un sa kongnguh ban rung ha ka party bad long u Candidate jong ka NPP na Sohra Constituency”, pynkut ka kyrwoh
