Jowai, Risaw 02 : Ka 7-Wasa bad ka Ladthadlaboh kin long ki ar tylli ki kynhun ki ban ïaknieh ïa ka nam lahduh ha ka lympung ïalehkai ‘U Kiang Nangbah Memorial Trophy’ Super Division Football Tournament-2022 bala pynïaid da ka West Jaiñtia District Sports Association (WJDSA) ka ban sa long ha ka 8 tarik mynta u bnai haka por 1 baje nohphai sngi ha madan Kiang Nangbah Stadium, Jowai.
Ka 7 Wasa kala ïoh ban rung sha kane jingïakhun phainal ka long hadien ba kala lah ban pynliem da 1-0 kol ïa ka Nangbah Mulang ha ka jingïakhun 3rd Semi Final kaba la long ha kane ka sngi saitjaiñ 1 tarik u Risaw. Ïa kane ka shikol na ka 7-Wasa la thep da u rang ïalehkai jong ka u Niponghi Sumer ha ka minit kaba 72 min.
