Da ki tiar donkam ha skul, noh syniang ka JSM-LC sha ki khynnah skul Mookhep L.P School

Khliehriat Nailur 22: Ki nongïalam bad ki dkhot jong ka Jaiñtia Students Movement Ladrymbai Circle, hynnin ka sngi ka la leit ban jngoh ïa ki khynnah skul kiba pule ha Mookhep L.P School bad ha kajuh ka por ki la noh syniang ruh sha ki khynnah skul da ki let, ki kopi, ki khulom bad kiwei kiwei ki tiar ban pyndonkam ki khynnah ha skul.
Ïa kane ka jingleit jngoh jong ka seng la lam khmat da u President JSM Ladrymbai Circle, u bah Shaining Shylla, u Vice President JSM Eastern Region , u bah Donkupar lem bad ki dkhot.
Ha ka jingai jingkren ba lyngkot, u bah Shaining Shylla, u la ong ba ha ka jingshisha ka sorkar ka la dei ban peit lem ïa kum kine ki skul kiba ki khynnah ki donkam shisha ia ki jingkyrshan bad jingiarap, hynrei ka sorkar ka la shu leh meinah pynban ïa ki skul ha ki nongkyndong, kumta ka seng da ka mynsiem ka jingsngew lem ka la leit ban noh syniang da ki tiar skul ïa ki khynnah kiba pule kiba pule ha katei ka skul ha Mookhep