To ngin beh sha ka thong ban kham lah ïa kiwei ki Misteri: MDC Nongstoiñ

Nongstoiñ, Nailur, 21: Ka seng jong ki misteri dieng kiba dei ruh ki nongtrei furniture hapoh ka shatri jong ka All Furniture Association West Khasi Hills District (AFAWKHD), mynta ka sngi ka la ïoh ban rakhe lehkmen ïa ka lyngkhuh dap snem jong ka seng, ha kaba u bah Gabriel Wahlang MDC ka Nongstoiñ konstitwensi, u la wan ruh ban long kum u kongsan ha katei ka jingïalang ïa kaba la pynlong ha Mecofed Hall Nongstoiñ.
Ha katei ka jingdap shi snem jong ka seng, katei ka kynhun ka la ïoh ruh ban pynkup burom ïa ki san ngut ki nongtrei furniture kiba la kham san ha ka kam bad kiba la kham noh ruh ha ka karta. Kum ka dak jong ka jingrakhe ïa katei ka sngi kaba kyrpang jong ka seng, ka kynhun ka la ïoh ruh ban ot ruh ïa u cake ha kaba u kongsan ryngkat ka jingïasynranlang u bah S.Kharjahrin President ka All Furniture Assocïation West Khasi Hills District, ki la ïoh ban ïashim bynta lang ban ot ïa utei u cake bad ban sam ïa baroh lang.
Ha kane ka sngi lehkmen la ïadonlang ruh ki ophisar na ka tnad Labour Department Nongstoiñ, Grass Root Nongstoiñ, Don Bosco Tech Nongstoiñ, Forest Department Nongstoiñ, Industrial Department Nongstoiñ bad kiwei kiwei, bad la ïoh ruh ban pule ïa ka history jong ka seng da u bah Kiew Lyngdoh Secretary ka All Furniture Assocïation West Khasi Hills District.
Kum shi bynta ban pynshit pynshngaiñ shuh shuh ïa katei ka jingïalang, la ïoh ruh ban ïohsngew ïa ka sur jingtem da u samla Bestarly Blah, u ba la put ïa ka sur jingrwai tang lyngba ki sla dieng.
U kongsan u la ong, “Ka jingdon jong ka Association kan long ka jingmyntoi ïa baroh kiba trei ïa kum kane ka kam. To ai ba ka jingsdang na I ba rit phin san ha ki kam sha kaba heh, suki pa suki. To ngin beh ruh ïa ka thong ban kham lah ban ïa kiwei ki nongtrei furniture kiba nabar jylla, namar bun sien nga ïohi ba ki khasi ki I tynnad ïa ki tiar kiba wan nabar kiba la thaw da kiwei”.
“Hynrei balei ngim buh ïa ka thong ba ngan shna ïa kaba khan itynnad ban ïa kaba la thaw kiwei ka lah dei ka por ba phin kham pyntbit shuh shuh, khnang ban ïoh rih ban ai jinghikai ïa kiba nadien, namar kam dei shuh ba ngin dang ap tang ka kam sorkar hynrei ngi hap ban nang ban ïeng ha la ki kjat”,