Kyntu u DC ïa ki trai dewïong ban pynpoi ïa ki form ryngkat bad ki kot ki sla ba donkam

Khliehriat Nailur 16: U Deputy Commissioner, East Jaiñtia Hills District, u pynkynmaw bad kyrpad biang ïa ki trai Dewïong kiba paw kyrteng ha ka “Coal Inventory List” bad ha ka “Report on assessment of extracted Coal Stocks”, ba kin sngewbha ban wan shim lane pynpoi noh ïa ki form jong ki ryngkat bad ki kot ki sla ba donkam sha ka Office u Deputy Commissioner, East Jaiñtia Hills District, Khliehriat ha lane shwa ka 27 tarik u nailur 2022 kaba na ka bynta ban leh auction ïa u Dewiong bad kane ka long katkum ka shithi ba la phah teng kaba long katkum ka hukum jong ka ïing Kashari ba don burom , ka Meghalaya High Court bad ki shithi ba la pynmih na ka Office jong u Deputy Commissioner ka East Jaiñtia Hills District, Khliehriat, letter No. EJHD/JUDL.55/PT.III/2022/17, Dated 12.05.2022, No. EJHD/JUDL.55/PT.III/2022/65, Dated 17.06.2022, No. EJHD/JUDL.55/PT.III/2022/160, Dated 29.07.2022, bad No. EJHD/JUDL.55/PT.III/2022/183, Dated 29.08.2022.
Ki kot ki sla ba donkam ki ba hap ban submit ryngkat bad ka Form ki kynthup, ka EPIC Card, Bank Account Details, Ka affidavit ban pdiang bad ban bud ia ki kyndon ba la buh ha ka “ Comprehensive Plan” bad “Scheme for spot e-auction” ba la pynkhreh lyngba ka jingiatreilang jong ka Sorkar jylla bad ka Coal India Ltd. (Ia kine ki documents lah ban ioh na ka website jong ka Department),bad ki dei ruh ban submit ia ka test report ban pynshisha ïa ka GCV jong u Dewiong.