Nongpoh, Nailur 16: U Deputy Commissioner (Supply), Ri Bhoi District u la pyntip sha baroh ki Nongsam khaw ration hapoh ka district ba ka License/Appointment jong ki kan kut noh haka 31-12-2022. Kumta la bthah ïa ki ban pynpoi ïaki aplikeshon na ka bynta u snem 2023-2027.
Ïa ki aplikeshon form lah ban ioh na ka ophis jong u Deputy Commissioner, (Supply), Ri Bhoi District, Nongpoh naduh ka 15-09-2022 ha ka por long trei bad ki dei ruh ban pynpoi ïa ki application form ha shwa ka 18-10-2022. Ïa ki application form jong ki Fair Price Shop Dealer dei ban suhlang (1) Court fee stamp 25/- (Ar phew san tyngka), (2) ki dur passport (2) artylli, (3) ka rai Dorbar, (4) Xerox Epic, (5) Xerox Bank Passbook, (6) ka list jong ki members ka Vigilanc e Committee, (7) Aadhaar card jong u/ka nong apply, (8) PAN card, (9) Aadhaar card jong ki nominee. Ki Fair Price Shop dealer ba bujli thymmai kin hap ban thep pisa 5000/- (San hajar tyngka) kum ka Security Deposit.
Kat kum ka ‘Meghalaya Food Grains/ SK Oil (Public Distribution System) Control Order, 2022’ ka term jong ki dealer kan long noh 5 (San) snem, kata naduh u snem 2023 haduh 2027. Kumta la bthah ruh ïaki Rangbah Shnong / Vigilance Committee ba kin jied u/ka briew na ka bynta 5 (San) Snem bad ki dei ban long kiba la nang la stad bad ki ba tip ban trei da ka computer bad kiba don ïaka Aadhaar Card. La bthah ruh ïa ki Rangbah Shnong / Vigilance Committee ba kin kham jied shwa ïaki Self Help Group bad Women Led Organisations.
Ki Dealer ki dei ban long kiba don ïa ka jingkit khlieh ban ïarap ban pynrung kyrteng Aadhaar ïaki nongbam khaw, ban lum ïa ki Aadhaar naki nongbam khaw bad ban wahrah sha Office bad kiba don ruh ïa ka jingkit khlieh ban pyndonkam da ka e-POS machine (online transactions) kat kum ka clause 15, sub clause 8 jong ka ‘Meghalaya Food Grains/ SK Oil (Public Distribution System) Control Order, 2022’.
Kino kino ki bym lah ban bud kat kum ka jingbthah ka ‘Meghalaya Food Grains/ SK Oil (Public Distribution System) Control Order, 2022’ (clause-13) ïa ka License jong ki yn suspend lane pynduh noh.
