Ïoh bat ju shipai BSF ïa ki ar ngut ki nong Bangladesh kiba wan rung tuh sha India

Khliehriat nailur 16: Ki shipai khappud, ki Border Security Force kiba hapoh ka jingïalam u ,AC Coy Commander ‘D’ Coy 172 BN, BSF Dona, u Sanjeev Kumar mynta ka sngi ki la ïoh bat ar ngut ki nong Bangladesh kiba la wan rung tuh bad rung beaiñ sha ri India na ki khappud ka East Jaiñtia Hills District ha kaba ki shipai BSF ki la aiti noh sha ki pulit jong ka Umkiang Patrolling Post East Jaiñtia Hills District.
Kitei ki ar ngut kiba la wan rung beaiñ sha ri India ki dei kiba la tip kyteng kum u Md Raju Miya, 36 snem kyrta bad u Nazim Uddin, 36 snem kyrta, kiba na ka shnong Milir Para,, PO Dona Bazar, PS- Kanai Ghat District Sylhet (Bangladesh).
Ki shipai khappud ki la pynap shrip ïa kitei ki nong Bangladesh da ki bun bun kynta haduh ban da ïoh ban kem ne bat ïa ki, na ka met jong kitei ki nong Bangladesh ki shipai ki la ïoh kurup noh kawei ka phone Vivo Y21 lem bad ki jaiñ ki nep, kawei ka mobile sim card jong ka India Airtel, ïa kitei ki ar ngut la aiti noh sha ki plit ba kin leh ïa kaba donkam kaba katkum ka aiñ