Jowai, Nailur 16 : Ka lympung ïalehkai ‘U Kiang Nangbah Memorial Trophy’ Super Division Football Tournament-2022 bala pynïaid da ka West Jaiñtia District Sports Association (WJDSA), kaba la long mynta ka sngi ha madan Kiang Nangbah Stadium Dongmihsngi, Jowai.
Ha ka jingïakhun hapdeng ki ar kynhun kata ka Nangbah Mulang pyrshah ïa ka Shangpung Lumïawmushai kala long kaba ïakhaid bha ha kaba kila ïoh ban thep kol mar kawei, haba phai sha ka jingïakhun jong ki naduh kaba sdang jong ka kylla step haduh ka kylla miet kala long kaba ïakhaid bha bad ka jingïakhut kala poi noh sha ka jingïakhaid da mar 1-1 kol.
Ïa ka shi kol na ka Nangbah Mulang la thep da u Promi Suting ha ka minit ba 13, katba ïa ka kol na ka Lumïawmushai Shangpung la thep da u Hawahoi Iakai ha ka minit ba 29.
Ka jingïakhun lashai ka sngi 17 tarik kan long hapdeng ka Sohmynting pyrshah ïa ka Ladthadlaboh ha ka por 3 baje janmiet.
