Rakhe ka NEAU ïaka ‘World Physiotherapy Day’, ïoh jingsumar 21 ngut ha Khleihtyrshi

Jowai, Nailur 09: Ka North East Adventist University (NEAV) Khliehtrshi West Jaiñtia Hills hynnin ka sngi kala rakhe ïa ka ‘World Physiotherapy Day’ halor ka phang kaba ong ‘Osteoarthritis and the role of Physiotherapist in its management and prevention’, ha kaba la wan ban ïadonlang da u kongsan ma Kyrmen Shylla uba dei ruh myntri ka sorkar jylla, ha ryngkat u Vice Chancellor Dr. Paul Bhaggien, HOD ka Physiotherapy Department DR. Junita Kyndait (PT), ki ophisar, ki nongtrei bad ki samla pule.
Na ka liang u ma Kyrmen Shylla ula plie ruh ïa ka “Electrotherapy Laboratory” jong ka tnad Physiotherapy Department ka North East Adventist University, Jowai. Katba na ka liang u symbud kongsam Dr. Andrea Shylla (PT) Senior Physiotherapist, ula ïathuh ha ka District hi baroh kawei la pyntreikam nyngkong ïa kane ka Physiotherapy Course hapoh ka North East Adventist University kaba la sdang ïa ka naduh ka snem 2021.
Ka jingrakhe ïa kane ka sngi ka long shi bynta ba ai jingbatai shaphang ki rukom ai jingsumar Physiotherapist sha ki paidbah kaba dei kawei na ki lad ban wanrah ïa ka jingïajan hapdeng ki nongpang kiba don hapoh ka shnong ka thaw.
La sdang ai ka prokram naduh ka por mynstep ba la shim bynta na ki nongtrei ka University, ki samla pule bad ki nonghikai kiba la shim bynta hi ki prokram kiba kynthup ha ka jingbatai bniah lyngba ka presentation halor ka Osteoarthritis, la don ruh ka jingïalehkai Skit play ka jingrwai bad kiwei kiwei de.
Katba ha ka por janmiet la pynlong ïa ka prokram ai jingsumar ha Community Halls jong ka shnong Khleihtyrchi da kaba leh ïa ka ‘Free health check up’ sha ki nongshong shnong ha ka jingdonlang naduh Dr. Nichwa LS Nongtdu (MBBS, MD Safdarjung New Delhi), Dr. Junita Kyndait (PT) Neuro Physiotherapist, Dr. Amedwent Kyndait (PT) sports Physiotherapist bad Dr. Eusivia Pasi (PT) Community rehabilitation. Ha kane ka jingai jingsumar ei la don haduh 21 ngut kiba la ïoh jingmyntoi.