Ap jingma ka jingkieng Sonapur namar ka jingpynieng ki kali kit palat pud halor jingkieng

Khliehriat nailur 6:Namar ka jingdheng kali kaba jur bha ha ka thaiñ Sonapur kaba na ka daw ka jingtwa khyndew hajan ka tunel, kiba bun ki kali heh kiba kit bad ki jingkit bad don ruh kiba kit palat pud ki la pynieng (park) halor ka jingkieng Sonapur kaba don ha ka wah Lukha, kane ka jingieng ki kali kaba da ki bun kynta kaba naduh mynstep haduh da miet ka buh jingma ïa ka jingkieng Wah Lukha ha Sonapur.
La ju lap bad sakhi ruh man ka por haba jia ka jingdheng kali ha ka thaiñ Sonapyrdi (Sonapur), ki kali ki ju ieng halor ka jingkieng bad khlem pep kane kan wanrah ïa ka tor bad jingtroiñ ka jingkieng bad aiu kan jia lada ki bor ba dei peit kim shim khia ban sumar syndong ïa katei ka jingkieng bad aiu kan jia lada katei ka jingkieng kan jot kan pra.