Jowai, Nailar 23: Ka Khasi Students’ Union Nangbah Unit (KSU) hadien bala dep ban khang tala ïa ka Punjab National Bank Nangbah Branch haka 18.08.2022 na ki daw ba katei ka bank ba kam shym la kheiñ snep ïa ki mat ki jura kiba ka seng kala dawa la kumba shi snem kynthih.
Katba hynnin ka sngi jong ka 22.08.2022, hadien ba la ïoh ïa ka shithi ne ka jubab na katei ka Bank ba kala kular ban shim khia bad ka la kular ruh ban phah ïa ki survey ATM field officers ban shim khia ïa katei ka kam ba ka seng kala dep ban dawa. Ka seng ha ka meeting kaba kyrkieh mynta ka sngi ka la ïoh ban ïatai sani bha halor ka shithi ba la phah da katei ka Bank bad da kawei ka jingmut la rai ba ïa mynta shipor yn ai lad ba kan plie kumba ju long.
Ka seng hadien ba la ai lad ba katei ka Bank ba kan plie la phah ruh ïa ka shithi ba la pdiang ïa ka jubab jong ka tei ka Bank ,hynrei da kawei ka jingmut la shim ruh ïa ka rai ba kum ba ka tei ka bank kala kular ban shim khia kumta na ka liang ka seng ruh kam banse ban shim rai ban plie noh da kaba phah ruh ïa ka khubor kaba shai ban ap hapoh shi bnai kynthih ba baroh kitei ki mat ki jura kiba la ju dawa kin pynurlong.
Ka seng kala kren shai lada jia ba kim seisoh hapoh shi bnai na ka liang ka seng kam banse ban shim da kiwei pat ki lad kiba kham eh pyrshah ïa katei ka Bank, haka juh ka por ka seng kala ai por sa kumba shibnai ei ei ban pyn urlong ïa ki jingdawa pynkut ka kyrwoh na u samla Conciousness Susngi Publicity Secretary KSU Nangbah Unit.
