Williamnagar, Nailar, 11: Ki Muktiar jong ka Williamnagar Bar Association ki la phah da ka jingthoh sha u Myntri Rangbah ka Jylla u Conrad Kongkal Sangma na ka bynta ban buh ia ka Bench jong ka Iingbishar Meghalaya High Court ha rilum Garo Hills.
Ha u kyrwoh, ka Association ka la pynpaw ba u Myntri Rangbah u la bishar bniah ia ka jingthoh ba la tyrwa bad ong ruh ba un sa ia syllok shwa bad u Chief Justice jong ka High Court.
Ia ka Iingbishar Meghalaya High Court la pynkha ha Shillong dang ha u snem 2013. Shwa kane, ia ki mukotduma jong ka Jylla Meghalaya la bishar da ka Bench jong ka Gauhati High Court.
Ha ka jingaiti ia ka jingthoh, ka Bar Association ka la kdew ia ki jingeh bad ka jingrem ka bai shong kali kat haduh ban leit sha nongbah Shillong na ka bynta ki jingbishar bad kane ka la pynlong ia kiba bun ki briew ban shu ujor ia ki mukotduma ha ki District Court ban ia kaba leit na ka por sha ka por shaduh Shillong.
Namar ba ka High Court ka kham jngai, ki Muktiar na rilum Garo kim da kham ïoh jingmut than ban ïohi ia ki jingiatai hapoh ka Ingbishar, hynrei lait noh tang katto katne ki Muktiar kiba la kham slem ha ka kam, la bynrap ka Association.
“Kane ka pynlong ruh ia kiba bun ki nongujor na rilum Garo ban ym ïoh ia ki Muktiar kiba la kham tbit na ka thaiñ bad kiba sngewthuh ia ki jingeh jong ki paidbah ban mihkhmat hapoh ka Ingbishar.
Ka Association kan jin da la kmen shi katdei eh lada yn pynkha ia ka Bench ha kano kano ka bynta jong ka rilum Garo bad ai jingmut ruh ba kan kham bha lada buh ha Williamnagar namarba ka long kaba pdeng ia ka leit ka wan.
