Jowai, Nailar 09 : Hynnin ka sngi 8 tarik u Nailar ha ka por kumba 9 baje mynmiet ka kynhun ‘Special Team’ jong ka Jowai Police katba ki dang pynlong ïa ka jingtalasi ïa ki kali ha ki bynta jong ka surok NH-6 Jowai Bye-Pass, ki la ïoh kurup na kawei ka kali Mahindra Bolero (rong lieh) kaba don ïa u registration no. MZO1R-0463 kaba kit beaiñ ïa ki hynñiew (7) tylli ki sim Kohkarang (Hornbill) kiba ka jan duh jait.
Halor kane ki pulit kila bat noh ïa u nongñiah ka kali ba la tip kyrteng kum u N. K. Thangtea 22 snem ka rta na Aizawl nongbah ka jylla Mizoram, katba ïa kitei ki lai tylli ki ruh nar bala thep ïa kitei ki sim Kohkarang la tap bha ïa ki da ki kynja synduk kot najrong.
Katkum ka jingïathuh jong ki pulit ka jingthmu ban khaïi ïa kum kine ki kynja sim kala long kaba beaiñ bad ka long pyrshah ïa ki kyndon jong ka tnad khlaw.
Hadien ba la ïoh pyllait im ïa kitei ki sim la pyntip noh mar mar sha ki briew jong ka tnad Wildlife Jowai kila wan mih sha katei ka jaka bad pyntikna ba kitei ki kynja sim bala jan duh jait kila hap hapoh ka Schedule 1 jong ka Wildlife Protection Act, ïa kitei sim la aiti noh sha ki briew ka tnad Wildlife Jowai.
