Shillong, Nailar, 09: Ki nongïalam jong ka Hynniewtrep Youths Council, Madanriting Unit, ha ka sngi baar ka 9 tarik u Nailar, 2022 ki leit ban ïakynduh ïa u Block Development Officer jong ka Mylliem C&RD Block ban pynpaw ïa ka jingpyrshah halor ka jingpynrung kyrteng ïa ki bym dei ki trai ri trai muluk hapoh ka Village Employment Council na ka bynta ban pyntreikam ïa ka scheme National Rural Employment Guarantee Scheme ha ka shnong Madanriting.
Ha kaba ïadei bad kane, u President jong ka HYC Madanriting Unit, u Bah Joy Phankon u la ong ba scheme National Rural Employment Guarantee Scheme ka dei kaba la thmu ban wanrah ïa ka roi ka par hapoh ka shnong Madanriting, hynrei namarba ka Madanriting ka dei ka shnong kaba la shong khleh lang da ki trai trai trai muluk bad kiwei pat ki bym dei ki Khasi bad wat lada ki la ïoh ïa ka EPIC, ka Ration Card bad kiwei kiwei ki kot ki sla, kim dei satia ban ïoh ïa ka job Card na ka skhim National Rural Employment Guarantee Scheme namarba ka shong ka sah jong ki kam long satia kaba thikna.
Ha ka jingïakren, u BDO u la pynpaw ba um donbor satia ban pynrung ne ban weng kyrteng ïano ïano ruh namarba ïa kane ka kam la leh hi da ki bor pynïaid jong ka dorbar shnong.
