Jowai, Nailar 08: Ka lympung ïalehkai phutbol Independence Day Cup Under-17 Football Tournament 2022 ba la pynïaid da ka West Jaiñtia District Sports Association (WJDSA), kaba la long mynta ka sngi ha madan Kiang Nangbah Stadium, Jowai.
Haba phai sha ka jingïakhun ba nyngkong ka kynhun ïalehkai jong ka Dulong kala lah ban pynliem da 3-1 kol ïa ka Evergreen Mukhla, ïa ki kol na ka Dulong la thep da u Wankibha Pohthmi ha ka minit ba 12, u Iowan Challam ha ka minit ba 16 bad u Samewan Swer ha ka minit ba 29. Katba ïa ka shikol na ka Evergreen Mukhla la thep da u Therly Dkhar haka minit ba 18.
Ha ka jingïakhun kaba ar kaba la long hapdeng Mookyrdup pyrshah ïaka Mookyndur, na ka liang ka kynhun ïalehkai jong ka Mookyrdup kala jop da 1-0 kol bad ïa katei ka shikol la thep da u Thiama Nampuii ha ka minit ba 17.
