Jowai, Nailar 07 : Ïa ka District Level Sensitization Programme halor ka “Combating Child trafficking” kaba long ruh shi bynta na ka jingrakhe ïa ka ‘World Day Against Human Trafficking’ la pynlong mynta ka sngi da ka ophis ka National Commission for Protection of Child Rights (NCPRC) ha ryngkat ka State Commission for Protection of Child Rights (SCPCRs) bad ka ophis u Deputy Commissioner ka West Jaiñtia Hills District Conference Room ka DC ophis.
La jingthmu jong kane ka prokram ba shi sngi ka long shi bynta ban ai jingbatai bniah halor kumno ban ïada ïa kito ki khynnah kiba don haka jingma haka jingim bad ka jingshah khaïi ïa ki khynnah kiba don hapoh ka District bad ki ri ba marjan.
Ha kane ka sngi i Chairperson ka MSCPCR Iamon M Syiem ila batai halor ka jingshah ktah jong ki khynnah ha ka kam khaïi, ka Senior Technical expert NCPCR kong Shaista K Shah kala batai halor ka hok jong ki khynnah ban ïada na ka kam shah khaïi, la ai jingkren ruh halor ka jingtreikam jong ka tnad pulit kaba peit thuh ïa kane kam pyrshah ïa ki khynnah da u Superintendent of Police u Bikram D Marak.
Hashwa kane u incharge Deputy Commissioner ka WJHD u P.K Boro ula pdiang sngewbha ïa baroh kiba la poi sha ka jingïalang ban ïoh jinghikai kaba bniah halor kane ka kam bad kan long ruh ka lad jingïada ba kyrpang ïa ki khynnah.
Kiwei de kiba la wan sha kane ka prokram ki kynthup ïa ka kynhun jong ka Child Welfare Committee, ki ophisar naka tnad pulit bad ki nongtrei ka District Child Protection Unit, Jowai.
