Jowai, Nailar 03: Ka jingïalehkai phutbol Quarter Final jong ka ‘5th Debo Shullai Memorial Trophy’ 2nd Division Football League Cum Knockout Tournament-2022 bala pynïaid da ka West Jaiñtia District Sports Association (WJDSA) mynta ka sngi ha madan Kiang Nangbah Stadium Jowai.
Haba phai sha ka jingïakhun ba nyngkong jong ka Quarter Final ka kynhun ïalehkai jong ka Khliehïongriang kala jop da shikol 1-0 ïa ka Lion Sports and Youth Affairs. Ïa katei ka shikol la thep da u Arwanki Dkhar ha ka minit ba 73.
Katba ha ka jingïakhun kaba ar ka Mookyndur kala lah ban pynliem da 2-1 kol ïa ka Nangbah Sports Association, katba ka jingïakhun ka dang ïaid shakhmat ka Nangbah Sports Association kala ïoh ban pynkhih nyngkong ïa ka jar lyngba u Ewanmi Pasi ha ka minit ba 50 kaba la neh haduh ba kut jong ka kyllastep da 1-0.
Haba wan ban bteng ïa ka jingïakhun jong ka kylla miet ka Mookyndur kala pyrshang katba lah ban pynphai ïa katei ka shikol bad dei ha ka minit ba 60 u rangïalehkai jong ka u Jomsing Pariat ula ïoh ban thep ïa ka kol, ka Mookyndur kala nangïakhun khambha shuh shuh ha kaba u Provi Suting ula thep ïa ka kol ba ar ha ka minit ba 78, kumta ka Mookyndur kala jop da 2-1 kol.
