Jowai, Nailar 02 : Ka lympung ïalehkai phutbol Independence Day Cup Under-17 Football Tournament 2022 ba la pynïaid da ka West Jaiñtia District Sports Association (WJDSA), kaba la long mynta ka sngi ha madan Kiang Nangbah Stadium, Jowai.
Haba phai sha ka jingïakhun ba nyngkong ka kynhun ïalehkai jong ka Mookyrdur kala lah ban pynliem da 3-2 kol ïa ka 7 Wasa. Ïa ki kol na ka Mookyndur kawei la kum thep bakla (OG) ha ka minit ba 7, u Patiently Lakuna ula thep haka minin ba 28 bad u Soobiang K. Pomtiah haka minit ba 36. Katba na ka 7 Wasa la thep da u Kerlangmi haka minit ba 10 bad u Sambha Ryngkhlem ha ka minit ba 16.
Ha ka jingïakhun kaba ar ka Mookyrdup ka la jop da 7-0 kol pyrshah ïa ka Catholic Youth Mihmyntdu, ïa kitei ki kol la thep da Gentes Tariang haka minit ba 12 & 40, u August Surong ha ka minit ba 42, u Hamsilet Lakuna ha ka minit ba 46, u Kynmole June Kyndait ha ka minit ba 50, 57 & 59.
Katba ha ka jingïakhun ba lai kaba la long hapdeng Luti Tuber Ialong pyrshah ïa ka Mukhla Raij, na ka liang ka Luti Tuber Ialong kala jop da 3-1 kol, ïa ki kol la thep da u Bishar Lhuid ha ka minit ba 31, u Richard Dhar ha ka minit ba 49 bad u Shwaki Dhar haka minit ba 59. Katba ïa ka shikol na ka Mukhla Raij la thep da u Guidingstar Suna haka minit ba 40.
