Rung Final ka The A Team haka TSA 1st Div’n
Jowai, Naiwieng 19: Ka The A Team ka la pynthikna ïa la ka jong ka jaka ha ka phainal jong ka lympung ‘Hajan Shylla Memorial Football League 2026’ kaba dei ka lympung ïalehkai First Division’, hadien ba ka la pynliem noh ïa ka Cultural SC Namdong-B ha ka semi final hynne ka sngi Palei.
ïa kane ka lympung la pynïaid daka Thadlaskeiñ Sport Association (TSA) ha Wahiajer Multi Sports Complex Stadium.
Haba phai sha kane ka jingïakhun, kaba dei ka semi Final ba nyngkong, ka The A Team kala lah ba kan khur ïa ka jingjop da 7-6 ha ka tie breaker hadien ba ka jingïalehkai ka la kut ha ka jingïakhaid.
Ka jingïakhun ka la long kaba itynnad bad kaba marïabiang bor, ha kaba baroh arliang ki la pyndep ïa ka jingïalehkai da mar 2-2 kol haduh ba kut jong ka por pynjlan lane ka Extra Time.
Ka The A Team ka ladei ban jop ïa ka jingïalehkai hapoh ka por ba la buh hadien ba u Monday Dkhar (7 & 24’) u la pynkhihjar ar sien ban buh ïa ka kynhun ha ka kyrdan kaba skhem ban khur ïa ka jingjop.
Hynrei ka Cultural SC Namdong-B ka la pynduna ïa ka kol lamkhmat da 2-1 shuwa ban jam sha ka por shongthait lyngba u Phrangsngi Law (44’) shuwa ba u Kynsai Lamurong (77’) un pynïakhaid ban pynjlan ïa ka jingïakhun sha ka extra time bad tie breaker.
La pyntip ka jingïakhun Semi Final ba ar ha kane ka sngi Thohdieng (20.11.2026) kan long hapdeng ka Evergreen SC pyrshah ïaka Niriang SC haka por 10:30 mynstep.