ASSA: Jop ka Kharkhana Iatyllilang haka 3rd Division, ka Jarain SC haka Super Division

0

Amlarem, Naiwieng 15: Ki resol jong ki jingïalehkai ka lympung phutbol Third bad Super Division jong ka Amlarem Sub-Divisional Sports Association (ASSA), kaba la tip kum ka ‘Amlarem Football League 2026-27’ ba la long ha ka sngi Saitjaiñ ha madan ASSA Mini Stadium, Ladjaplem.
Haba phai sha ki lai tylli ki jingïakhun jong ka Third Division, ka jingïalehkai hapdeng ka S. K. S Senglang Syndai bad ka Sohkha Shnong Everlasting ka la kut ha ka jingïakhaid, ha kaba baroh arliang ki la thep mar shi kol (1-1). Ka Sohkha Shnong Everlasting ka la lamkhmat tang mar ïa sdang lyngba u Lyngketbor (9’) hynrei ka S. K. S Senglang Syndai ka la pynïakhaid lyngba u You Gayang (18’).
Nangta ka jingïakhun kaba ar la sakhi ïa ka kynhun ïalehkai jong ka Kharkhana Iatyllilang kaba la pynliem da 4-0 kol ïaka Ammutong CSC. U Kyrshan Khyriem (19 & 48’) u la pynkhihjar ar sien, katba u Rememberme Khongiong (17’) bad u Fredy Kongwang (41’) ki la noh synñiang mar shi kol na ka bynta ka Kharkhana Iatyllilang.
Katba ka jingïakhun kaba lai hapdeng ka Rempakhiaw SC Sapator bad ka Padu Nongthymmai ka la poi sha ka jingïakhaid da mar shikol (1-1). Baroh arliang ki la pynkhihjar ha ka kylla miet, ha kaba ka Padu Nongthymmai kala thep nyngkong lyngba u A. Pohshna (47’) hynrei ka Rempakhiaw SC Sapator ka la pynïakhaid lyngba u W. Siangshai haka minit ba 52.
Haba phait pat sha ka jingïakhun jong ka Super Division ka kynhun ïalehkai jong ka Jarain SC kala pynliem noh da 2-1 kol ïaka Lamin S.C. ïa ki kol na ka Jarain SC la thep da u Stephan Suting haka minit ba 60 bad u Wanki Pohthmi haka minit ba 77. Ïa ka shikol naka Lamin SC la thep da u Papu Govala haka minit ba 88.

Leave A Reply

Your email address will not be published.