Ban pyrshah ïaka Forest Amendment Act 2023 bad ka jingpynheh ïa ka bor ki BSF
Phah jingthoh ka KJYSU sha u Lat ka jylla lyngba u DC
Jowai, Naiwieng 12: Ka Khasi Jaiñtia Youth & Students’ Union (KJYSU) – Central Body, West Jaiñtia Hills, mynta ka sngi 12.11.2026, ka la ai da ka dorkhas (Memorandum), sha u Lat ka jylla Meghalaya lyngba ka ophis u Deputy Commissioner, West Jaiñtia Hills, Jowai.
Lyngba kane ka memorandum, ka KJYSU ka la pyrshah tyngeh ïa, ka Forest (Conservation) Amendment Act, 2023 kaba shim noh ïa ka bor jong ka District Council bad Dorbar Shnong, na ka khlaw hapoh 100 Km na ka Border. Ka jingpynheh ïa ka bor jong ki BSF na 15 Km sha baroh ka Jylla Meghalaya.
Ka jingshim ïa ka khlaw shnong ha West Jaintia Hills (31 Km) bad East Jaiñtia Hills na ka bynta ki BSF Fencing khlem ka jingmynjur jong ka Dorbar Shnong bad khlem ka bai siew ïaka hok.
Ka KJYSU ka dawa ruh, ba ka Meghalaya Assembly kan pass ïa ka Resolution kumba ka Mizoram ka la leh. Ym dei ban shim ïa ka khlaw shnong khlem ka NOC na JHADC bad FPIC na ka Dorbar Shnong. Kumjuh ruh ki BSF jurisdiction kan phai biang sha 15 Km, pynkut ka kyrwoh na u General Secretary KJYSU samla D. Shullet bad u Assistant Secretary u samla K. Bareh.