Jowai, Nailar 01: Ka Hynñiewtrep Integrated Territorial Organization (HITO) West Jaiñtia Hills District hapoh ka jingïalam u President u Pynbiang Rymbai lem bad ki dkhot mynta ka sngi 1/8/2022 ki la leit ban ai dorkhas ha ka office treikam u District Veterinary and Animal Husbandry West Jaiñtia Hills District Jowai ban pynsngew halor ka jingeh jong ki nongrep ka Ri-Lum Jaiñtia khamtam kiba dei ki nongri jingri.
Ka seng naka por shaka por ka shait ïoh ïaki jingujor naki paidbah halor ka jingbymbiang ki dawai lane ki tika iaki mrad bad naka por shaka por ki paidbah ki shem jingeh bha ha ki kam ri jingri naba bym shim khia ka sorkar bad ki jingpynshlur jong ka sorkar ïaki samla ban shim ïaka kam rep bad ri jingri ka long tang haka ktien khlem ka jingshim khia ban ai ïaki jingïarap kiba dei hok ban ïarap.
Ha kane ka jingïakynduh u DVHO u Dr. D. I. Kjam ula kubur ba ka jingbym biang ki dawai dashin jong ki jingri ka long kaba shisha bad kane ka dei ruh naka jingbym ïoh bhah naka sorkar bad kane ka kdew shai ba ka sorkar ka leh khun nah ïakane ka tnad bad ka seng ka dawa ba ka sorkar ka dei bna shim ïa ka sien jam ban pynïoh jingmyntoi ïaki nongri jingri kaba long kum kawei naki lad ïoh kam ioh jam, la pynkut ka kyrwoh ba la phah da ka seng.
