Shillong, Risaw 26: Ka Jakrem SC ka la sdang ïa ka jingïakhun ba nyngkong jong ka ha ka Group C jong ka lympung Indian Women’s League Second Division (IWL 2) da kaba pynliem 2-1 kol ïa ka AIFF TDS Academy ha ka sngi Saitjaiñ ha SSA Stadium.
Ka Makrisha Songthiang (11′) bad ka Bahunlang Synrem (65′) ki la thep ïa kine ki ar kol na ka bynta ka Jakrem, katba ka AIFF TDS ka la pynphai kawei lyngba ka Khumanthem Roshibina Chanu (56’).
Ka Jakrem SC kaba dei na South West Khasi Hills, kadei ka klob kaba nyngkong eh na Meghalaya ban ïakhun ha ka IWL 2 lane kino kino ki kyrdan ïalehkai jong ka IWL.
Ka Jakrem SC kan ïakhun biang mynta ka sngi ba-ar pyrshah ïa ka Kemp FC ha ka por 2:30 baje mynsngi. Ka Kemp FC ka la pynliem da 3-1 ïa ka Mumbai Knights FC ha ka jingïalehkai ba nyngkong jong ka.
Kham hashwa, ha ka por 9 baje mynstep ka AIFF TDS kan aireng pyrshah ïa ka Mumbai Knights.
