Jowai, Risaw 21: Ka lehñiam Durga Puja ha Jowai kala poi noh sha kaba kut mynta ka sngi Balang jong ka 21 tarik Risaw, 2026 hapdeng ka jingiphuh iphieng, ha kaba ki paidriewngeit Hindu kiba shong basah ha Jowai bad kiwei de ki shnong ba marjan kila wan ban sakhi lang bad leit pynngam um ïaka blei Durga sha ka Wah Myntdu.
Ka lehñiam mynta u snem kala long ka ïaid beit ïaid ryntih hapoh ka jingpynïaid ka Sarbajann Durga Puja Committee, ki riewngeit Hindu kynthup naduh longkmie ki longkpa ki khun samla bad ki hep kiba rit kila shim bynta lang ha kane ka lehñiam naduh kaba sdang haduh ba kut.
Ha kane ka sngi ba khadduh la leit kit ïaka blei Durga na Shiv Mandir Ïawmusiang, Jowai bad leit pynngam um ïaka haka por janmiet ha ki bynta jong ka wah Myntdu (Khyllem) ha ryngkat ka risa bad ka shad ka kmen, hadien ba la dep pynngap um ïa ka Blei Durga la teh ïaka da u tylli khnang ba yn ïoh leit pynkhuid ïa ka lashai ka sngi.
Ha kane ka sngi la wan ban synran lang naduh ki bor pynïaid District kynthup ïaki Magistrate, ki ophisar jong ka tnad pulit, nalor ki paidriewngeit Hindu.
Ïa kane ka juh ka lehñiam Durga Puja ha West Jaiñtia Hill la leh kumjuh ha Nartiang kaba dei ka lehñiam Durga Puja ki Pnar ïa kaba la pynkut hynnin ka sngi bad ha Dawki.
