Shillong, Risaw 19: Ka Meghalaya Unified Teachers Association (MUTA) kan pynlong ïa ka general meeting ha Student Field, Jaiaw ha ka 24 tarik u Risaw, ban ïakren ïa ki mat jingdawa ba kongsan ban pynrung ïa ki nonghikai SPF hapoh ka Sixth Pay Commission bad kiwei kiwei ki kyndon shakri.
Ka MUTA, kaba dei ka kynhun jong ki nonghikai ba la pynïasoh lang hapoh ka Structured Pay Framework (SPF), ka la khot ïa baroh ki nonghikai SSA (Lower Primary & Upper Primary), ki Nonghikai RMSA (Secondary & Higher Secondary), ki Nonghikai Adhoc (Lower Primary, Upper Primary, Secondary & Morco High, 400). Ki Nonghikai (SSA Upper Primary School) na ka bynta ka jingialang.
Ka jingialang kan ïakren ïa ki charter core damand ba la wanrah bad ka sorkar ha ki ar tylli ki jingialang ba dang shen – bad ka tnad pule puthi ha ka 16 tarik u Nailur bad u Myntri Rangbah ka jylla u Conrad K Sangma ha ka 13 tarik u Risaw, 2026.
Ki jingdawa ki kynthup ïa ka jingpynrung ïa ki Nonghikai SPF hapoh ka Sixth State Pay Commission, ban pyntip ïa ki jinglong jingman jong ka jingshakri sha ki nonghikai SPF (ki hok shuti ba ïaryngkat bad ki jingmyntoi na ka jingkha khun, ki jingmyntoi ha ka koit ka khiah bad ka jingsiew bai lutksan, ki bynta jong ki ram bad ki jingmyntoi na ka sut, bad ka jingsiew ba shisien na ka bynta ki nonghikai ba la kham rangbah bad ka jingsiew ba marwei) (single instalment) bad ban pyllait ia ka tulop na ka bynta ki nonghikai) ki nonghikai SSA bad RMSA.
“Ka seng ka la wad ruh ban pynbeit ryntih ïa ki rukom treikam ha ka liang ka pisa tyngka ban pynthikna ba ïa ki tulop la “pyniaid beit bad khlem da pynslem man la u bnai haduh ka Sngi Nyngkong jong man la u bnai.”
Ka MUTA ka la ong ba kane ka jingialang kan pynshai ruh ïa ki nongrim bad ki jingthmu ba sha lyndet jong ka jingthaw ïa ka bad kan pynskhem ïa ka jingiatylli hapdeng ki nonghikai SPF.
“Kane ka jingïalang ka long kaba kongsan haduh katta katta na ka bynta ka lawei jong ngi baroh.Ngi kyntu jur ïa uwei pa uwei u nonghikai hapoh ka Structured Pay Framework (SPF) ban pyllait por bad ban wan sha kane ka jingïalang,” ong ka seng.
